Norvegiya, AQSh samolyotlarining NATO mashg'ulotida qatnashmasligini e'lon qildi

Oslo

Norvegiya Qurolli Kuchlari vakili podpolkovnik Espen Solemdal, mamlakat milliy matbuotiga bergan intervyusida AQShning Norvegiyada o'tkaziladigan Arktika xavfsizligi mavzusidagi NATO mashg'ulotiga F-35 qiruvchi samolyotlarini yubormasligini ma'lum qildi.

Solemdal, bu qaror natijasida 100 dan 150 gacha amerikalik askar Norvegiyaga kelmasligini va bu askarlarning boshqa hududlarda xizmat qilishini bildirdi.

AQSh qiruvchi samolyotlarining yo'qligi mashg'ulotning havo operatsiyalariga ta'sir qilishi mumkinligiga e'tibor qaratgan Solemdal, AQShning o'z strategik ustuvorliklariga e'tibor qaratayotganini ta'kidladi.

Norvegiya matbuoti, AQShning bu qarori Eron bilan yuzaga kelgan keskinlik bilan bog'liq bo'lishi mumkinligini va 2025 yil iyun oyida shunga o'xshash vaziyat yuzaga kelganini, undan so'ng AQShning ko'plab xalqaro shartnomalardan chiqqanini eslatdi.

Boshqa tomondan, Norvegiya Qurolli Kuchlari, 2026 yil mart oyida o'tkaziladigan "Sovuq Javob" nomli mashg'ulot, 14 NATO davlatining ishtirokida Norvegiyada o'tkaziladigan eng yirik harbiy mashg'ulotlardan biri bo'lishini e'lon qildi.